Hoxe é Xoves 22 de Outubro de 2020

Cinco familias pendentes de demolición

RR_Noticias

Chapela volve saír a rúa. Faino este venres ás 20:00 horas nunha convocatoria da asociación de afectados pola AP-9. Reclaman un compromiso por escrito que garanta que se repoñerán os servizos na parroquia. Temen que nesta fase final das obras a empresa remate a ampliación e unha vez marchen as máquinas ninguén se responsabilice do estado no que quedan camiños, fontes e outros servizos. A situación máis preocupantes é a que afecta a cinco familias que residen nun edificio no barrio de Pasán e nunha vivenda unifamiliar no barrio de Rande, pendentes aínda da expropiación.

A manifestación partirá ás 20:00 horas dende o torreiro da igrexa ata a rotonda da AP-9 regresando ao pavillón de deportes. Unha mobilización que ten como obxectivo principal esixir a reposición de todos aqueles servizos afectados polas obras así como melloras que inclúen o soterramento do transformador existente na zona da Igrexa e que se defina que vai pasar co edifico de Correos, cuxa demolición está pendente de que se traslade a oficina postal. Con todo, unha das cuestións que máis preocupan nestes momentos é saber que vai pasar con esas cinco familias aínda pendentes da expropiación das súas vivendas. Catro residen nun edificio de Pasán cuxa cimentación está afectada polos traballos de ampliación, a outra é unha vivenda unifamiliar que queda metida debaixo do terceiro carril da Ponte na zona de Rande. Dende a Asociación de Afectados César Domínguez lembra novamente a negativa do colectivo, de país e nais e da comunidade educativa a que se abra o terceiro carril da autoestrada mentres os nenos non sexan tasladados ao novo centro “Audasa mantén a súa proposta de construír un muro de formigón, pero só aceptaremos se hai un compromiso por escrito de que o carril non se abrirá mentres haxa nenos nas aulas”.  

César Domínguez Afectados AP-9
Fala das principais demandas nesta fase final das obras
Cinco familias por expropiar
Viven en dous inmobles afectados
Colexio Igrexa
Rexeitan a proposta de contruír o muro de formigón sen un compromiso por escrito

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *