Hoxe é Martes 20 de Outubro de 2020

A compañía andaluza La Canela presenta “La semilla” no Multiúsos da Xunqueira

RR_Noticias

Tralo éxito de público o Día das Letras Galegas na programación de rúa, o Festival Internacional de Títeres de Redondela (Memorial Juanjo Amoedo) retoma a programación de sala coa obra “la semilla” da compañía andaluza La Canela. O pase terá lugar ás 21:00 horas. Dende a organización lembran que xa están a venda as entradas para o resto das función do venres, sábado e domingo.

O Auditorio do Multiusos acollerá ás 21:00h, á compañía andaluza La Canela, que porá en escena a montaxe “La Semilla” dentro da programación de sala. O espectáculo, recomendado para maiores de 8 anos, trata sobre as diferentes maneiras de medrar. Para que algo medre san e forte haino que coidar, canto máis amor sementamos, máis aloumiños colleitamos. Para facer medrar unha obra teatral hai que regala todos os días, coidala, mimala, e sobre todo, compartila. As entradas para o espectáculo, así como para o resto da programación, poderanse adquirir a partir das 19:00h na billeteira do teatro, a un prezo de 6€ adultos e 4€ nenos. Unha programación de sala que chega logo dun mércores festivo no que os monicreques tomaron as rúas con centos de persoas que gozaron das actuacións ao aire libre. Espectáculos que volverán encher o casco urbano na xornada de sábado e domingo que nos anuncia unha intensa programación.  

Analía Simón Títeres La Canela
Unha obra para todos os públicos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *