Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Soutomaior reforma a Ponte Colgante sobre o río Verdugo

RR_Noticias

O acondicionamento da pasarela contou cun orzamento de case 6.000 euros que foron financiados pola Consellería de Medio Ambiente da Xunta de Galicia. A pasarela entrou novamente en servizo o primeiro día deste mes para atender as demandas dos afeccionados á pesca deportiva para a apertura da veda de pesca, así como do resto de usuarios desta zona recreativa durante a tempada estival.

O alcalde de Soutomaior, Agustín Reguera, e o delegado territorial da Xunta de Galicia en Vigo, Ignacio López-Chaves, inspeccionaron esta semana o resultado dos traballos de acondicionamento da coñecida ponte colgante sobre o río Verdugo.
Uns traballos que consistiron na retirada e substitución dos 145 taboleiros, coas súas correspondentes fixacións metálicas, que compoñen a pasarela. A actuación, solicitada polo Concello de Soutomaior á Consellería de Medio Ambiente, contou cun orzamento de case 6.000 euros que foron afrontados na súa totalidade polo ente autonómico.
A ponte colgante sobre o Verdugo atópase na unión do devandito río co Oitavén, e conta cunha elevación de 6 metros sobre o nivel habitual do río. Conta cunha pequena praia fluvial na súa marxe esquerda e diferentes restos de antigos muíños nos arredores. Esta parte do curso do río conta cunha importante afluencia durante todo o ano xa que ademais dos tradicionais bañistas, tamén é frecuentada habitualmente por afeccionados á pesca deportiva, á fotografía e á natureza en xeral.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará