Hoxe é Mércores 21 de Outubro de 2020

Os Maios volverán lucir en Redondela

RR_Noticias

Un total de 14 Maios participan o vindeiro luns nunha nova edición desta tradicional benvida á primavera. A partir das 11:00 horas está previsto que se sitúen ao longo da beirarrúa rúa Ribeira. O casco urbano permanecerá pechado ao tráfico xa dende as dez para favorecer a celebración desta cita que está moi pendente da situación meteorolóxica nunha fin de semana marcada pola inestabilidade.

O número de participantes mantense estable con 14 agrupacións nesta edición, moi afastada iso si do número de participantes de décadas atrás onde se chegaba a superar os 40 maios. Con todo, dende a Concellería de Cultura entenden que está garantido o relevo ano tras ano, con novos grupos, asociacións e colectivos que se suman a esta celebración. Un xeito diferente de dar a benvida a primavera, con esas composición vexetais que durante toda a mañá permanecerán na beirarrúa da rúa Ribeira e que subirán aos escenario para cantar as súas coplas cheas de retranca e ironía. Este ano ademais incrementouse o importe dos premios con 250€ para o primeiro clasificado en cada categoría (maio tradicional, artístico, coplas e interpretación), 200 o segundo e 150 o terceiro. En total, a concellería repartirá 2.400 euros en premios. As categorías que o xurado avaliará e premiará será a de coplas onde se valorará a súa sonoridade, o humor, a temática… Na categoría de interpretación valorarase a actuación dos membros que forman o maio. Por último están as categorías de tradicional na que entran as formas cónicas e os cruceiros e a de Maio Artístico onde se valorarías as demais formas.  

Teresa París Concelleira de cultura
14 maios participan nesta edición

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *