Hoxe é Martes 24 de Novembro de 2020

Os actores poñen en valor a curtametraxe no marco do Redondela en curto

RR_Noticias

Arrancou o Redondela en curto coa apertura da sección oficial e un acto inaugural no que estiveron tres actores que brevemente achegaron ao público o que significa traballar nunha curtametraxe e o valor que ten este cine en pequeno formato. Así o salientaba a actriz Lucía Regueiro, ao entender que “A curtametraxe é un xénero en si mesmo”. Para Isabel Naveira a palabra que mellor define as curtas é “Laboratorio” e o actor Miguel A. Blanco apuntaba que “As curtas permiten experimentar e facer cousas que na industria non sería posible”.

As curtas teñen un valor fundamental para os actores e para o resto do persoal que traballa na súa realización, director, técnicos… é unha escola, un laboratorio que permite experimentar e facer cousas que a industria non permite. Así o explicaba Miguel Blanco no transcurso dunha pequena charla conducida polo seu compañeiro de profesión Miguel Borines e que servía para dar o inicio oficial a un festival de curtametraxes que se vai desenvolver ata o vindeiro domingo no Multiúsos da Xunqueira. Tanto hoxe como nos vindeiros días os pases arrancarán ás 18:00 horas e continuarán alternándose con outras sección como Cine galego ou curtísimas, un espazo no que se recolle os traballos máis breves dos presentados nesta edicións , algúns deles cunha duración que nin chega aos dous minutos. Precisamente a actriz Lucía Regueira salientaba a capacidade dos autores á hora de crear e contar unha historia en tan pouco tempo, “algo que converte as curtametraxes nun xénero en si mesmo”.  

Lucía Regueiro actriz
A curtametraxe é un xénero en si mesmo
Isabel Naveira actriz
Un laboratorio
Miguel A. Blanco actor
As curtas teñen un valor fundamental porque permiten experimentar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *