Hoxe é Xoves 26 de Novembro de 2020

Presentación do libro “Non des a esquecemento” de Luis Bará en Arcade

RR_Noticias

O BNG de Soutomaior organiza hoxe ás 21:00 horas no Multiúsos de Arcade a presentación do libro “Non des a esquecemento”. O escritor, profesor e deputado acompañará a súa presentación cunha proxección gráfica na que os asistentes poderán visualizar imaxes dos tempos máis escuros da nosa historia durante a ditadura de Franco.

A obra presta especial atención á represión na área de Vigo e arredor da illa de San Simón. O libro recolle episodios da represión en Vilaboa, concello natal de Luís Bará; relatos de mulleres represaliadas; una crónica “Fragmentaria” do terror vivido en San Simón ; unha homenaxe ás  casas refuxio que acolleron persoas fuxidas; xunto con outras historias acontecidas en terras de Pontevedra, o Morrazo, Vigo ou o Salnés
O libro é unha compilación dos artigos publicados no blog Non des a esquecemento ao longo de case tres anos, desde comezos de 2014 a setembro de 2016. Relatos do xenocidio fascista en Galicia, da resistencia e da solidariedade “tempos de represión, asasinato e persecución que debemos lembrar para que as xeracións máis novas coñezan a historia de barbarie fascista, só así poderemos evitar que se repita” explica Bará.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *