Hoxe é Xoves 28 de Xaneiro de 2021

Critican que o goberno non solicitase á Deputación melloras na seguridade vial en Saxamonde

RR_Noticias

Ante a inminente posta en marcha do Plan Móvese do ente provincial, o BNG cuestionan que o goberno de Redondela “ignorase un treito de arredor de 1km de estrada provincial, na zona dos Valos, en Saxamonde que presenta importantes carencias en canto á seguridade”. O edil nacionalista  Xoán Carlos González considera que se trata dunha “nova mostra do desinterese pola mellora da seguridade viaria dos dirixentes municipais”.

O plan Móvese contempla a instalación de pasos de peóns sobreelevados, a sinalización de zonas con límites de velocidade a 30km/h ou redutores físicos de velocidade nas estradas provinciais. Para Xoán Carlos González, non existe ningunha xustificación para que non se formularan iniciativas para a mellora da seguridade viaria nos Valos. “Trátase dun treito con curvas sinuosas que preceden a unha recta onde os vehículos alcanzan velocidades elevadas. Ademais de haber unha ducia de vivendas afectadas, encóntrase o acceso á Área de Chan das Pipas, e o seu Centro Cultural. Toda unha xeira de elementos, que indicaban a idoneidade para prantexar á Deputación a mellora na seguridade viaria, malia o cal o goberno de Javier Bas non presentou ningunha solicitude neste sentido”, resalta.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *