Hoxe é Luns 23 de Novembro de 2020

Angel Barros chama a reflexionar sobre as inxustizas na súa nova exposición

RR_Noticias

A guerra en Siria, os refuxiados, a inmigración, o papel dos políticos e a igrexia, as desigualdades sociais, son algúns dos temas que o artista e restaurador redondelán aborda na mostra “O privilexio do esforzo” que se pode visitar até o 15 de maio no Multiúsos da Xunqueira. Trinta e seis pezas nas que se mesturan clásicos de Velázquez ou Vermeer, con fotografías e reproducións de imaxes tiradas das revistas ou televisión. Material moi diverso tanto en formato como en técnica que teñe como nexo común unha dura crítica á situación que vivimos na actualidade.

Angel Barros Montero regresa tres anos despois da súa última exposición no Multiúsos da Xunqueira cunha mostra radicalmente distinta e chea de inconformismo na que quere facer reflexionar ao visitante sobre as inxustizas que protagonizan o mundo actual. Así presenta obras como “As bodas de Caná” de Paolo Veronese, “Las hilanderas” de Velázquez, a “Coronación de Napoleón” ou cadros de Murillo, Sorolla, Zurbarán ou Rubens xunto a reproducións de imaxes da “A nena do Napalm” do fotógrafo vietnamita Nick Ut ou de Aylan, o neno kurdo que aparecía afogado nunha praia turca e que enchía os medios de comunicación en setembro do pasado ano. Pezas que van acompañadas por textos incisivos que queren esperar as conciencias e nos que se pode ler ” Os crimes máis grandes da humanidade cométense en nome da liberdade e da democracia”, “Na dictadura facían o que querían con nós. Hoxe facemos o que eles queren”, “Pode xulgarse o grao de civilización dun pobo pola posición social das Mulleres” ou “Soños temos todas as persoas, o que nos diferenza é o esforzo que poñemos para conseguilos. Unha mostra para pensar pero tamén para fixarse no detalle, na pincelada, no coidado da técnica e no traballo que agocha cada unha das reproducións que reflicten unha vida enteira dedicada á pintura, á restauración e á investigación, e que levaron a Angel Barros a traballando para institucións como o Louvre e con obras de Picasso, Tápies ou Matisse. Barros asegura que isto é o que lle fai feliz malia ao esforzo que require aínda que como transmite co título da exposición “O privilexio do esforzo”, “só co esforzo pode chegar un a realizar os soños desexados”.  

Angel Barros pintos e restaurador
Unha exposición que denuncia as inxustizas
Imaxes para reflexionar
Fala dalgún dos cadros que atopamos na exposición
Autodidacta
Innovar nas técnicas

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *