Hoxe é Mércores 25 de Novembro de 2020

Cando ir á escola é un perigo

RR_Noticias

É o caso do CEIP Outeiro das Penas, en Cesantes. O acceso ao centro desde o Viso carece de zonas habilitadas para os peóns, non existen beirarrúas nin pasos de cebra. Tampouco hai espazo suficiente para o estacionamento dos coches das familias que acoden a levar e seus fillos, que acaban invadindo a zona reservada para os autobuses escolares, o que provoca coas de tráfico e situacións de perigo.

Desde a ANPA demandan desde hai anos beirarrúas polas que os escolares poidan acceder con seguridade, e un paso de peóns sinalizado onde poder cruzar, xa que non existe ningún. A instalación de bandas sonoras para redurir a velocidade do tráfico nesta estrada tan concurrida é outra das demandas que segue sen cumplirse. A situación complícase no horario de entrada e saída dos rapaces, ás 9.30 e ás 14.30 horas. Os autobuses de transporte escolar deben maniobrar marcha atrás esquivando aos turismos e aos nenos, o que ocasiona moitas situacións de perigo. Nuria Rodríguez, presidenta da ANPA, denuncia esta situación de “inseguridade” e lamenta o estado de “abandono” deste acceso ao centro. Na contorna do centro hai varias fincas, tanto de titularidade pública como privada. Desde o Consello Escolar Municipal demandouse en varias ocasións ao Concello que xestionase cos propietarios a súa cesión ou compra para poder dotar ao colexio dun acceso seguro para o transporte escolar e unha zona de aparcadoiro para os pais e nais. Pero, como explica Paco, outro dos pais deste centro, “seguen á espera”. O problema de seguridade non o sofren só as familias e alumnos, tamén os conductores do transporte escolar, que se senten impotentes ante as dificultades para realizar con seguridade o seu traballo. Denuncian que os pais e nais non respectan as zonas reservadas para os autobuses e advirten que en calquera momento “pode suceder unha desgracia”. A directora do centro, Loli Montes, entende que existe un conflito entre as diferentes administracións implicadas. No acceso ao colexio hai terreos que pertencen ao Concello de Redondela, outros á Deputación de Pontevedra e á estrada nacional ao Ministerio de Fomento. Na sesión plenaria celebrada onte polo pleno da corporación, a Agrupación de Electores de Redondela trasladou ao goberno local esta necesidade. Lembrou as reiteradas demandas da ANPA e dos consello parroquiais de Cesantes e do Viso para a ampliación do entorno do CEIP Outeiro das Penas, coa adquisición de parcelas colindantes co propio colexio. Deste xeito poderíase regular a entrada e saída dos autobuses escolares, dotar a zona de aparcadoiro exterior e mellorar a seguridade viaria do entorno do colexio. Por parte do goberno local informouse que están a tramitar con Fomento a cesión dalgunha das parcelas propiedade do Ministerio, pero polo de agora non existe aínda ningún acordo.

Nuria Rodríguez presidenta da ANPA
Desde a ANPA levan anos denunciando a falta de seguridade no acceso ao centro.
Paco pai de alumnos
Paco que é pai dun alumno do centro lembra que hai xa máis de oito anos que o concello escolar fixo esta demanda.
O chófer advirte do grave perigo
Os conductores do transporte escolar xa advertiron en numerosas ocasións que existe un grave risco de atropelos.
Loli Montes directora do CEIP
A dirección do centro entende que existe un conflito entre as distintas administracións responsables.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *