Hoxe é Luns 30 de Novembro de 2020

Os máis pequenos serán os protagonistas do Torneo de Semana Santa do C.D.Choco

RR_Noticias

A cita está aberta a todos os clubs que queiran participar nas categorías prebenxamín, benxamín e alevín. Os partidos disputaranse en Santa Mariña os días 14 e 15 de abril. No club redondelán preparan tamén un Torneo Internacional de categorías inferiores en colaboración co Chapela C.F. e o Concello que se disputará a finais de xuño.

O Choco organizará a vindeira Semana Santa un torneo de fútbol base para os máis cativos. Un evento popular e aberto a todos os equipos que desexen participar ata completar o límite máximo de 16 equipos por categoría. A inscrición, de balde, será por orde de solicitude e os equipos interesados deben enviar un correo electrónico ao enderezo c.d.choco@hotmail.com. O presidente do club, Iván Crespo, sinala que este tipo de torneos son “unha gran experiencia” para os rapaces, xa que lles ofrece a oportunidade de coñecer outros equipos. O venres 14 será o día dos prebenxamíns e benxamíns e o sábado 15 o turno será para os alevíns. A idea do Choco é confeccionar un calendario o máis amplo posible para que os rapaces dos distintos equipos poidan vivir unha xornada de moito fútbol en Redondela. As instalacións de Santa Mariña estarán a disposición dos equipos e, ademais, todas aquelas persoas que o desexen poderán xantar ao lado do campo nunha zona habilitada ou “facer turismo” por Redondela. Torneo Internacional Desde o club preparan tamén unha ambiciosa cita para finais do mes de xuño, entre os días 26 e 30. Trátase un Torneo Internacional de fútbol base que organizan en colaboración co Chapela C.F. e o Concello de Redondela. Será nas categorías benxamín e alevín na modalidade de fútbol 8 e para as de infantil e cadete en fútbol 11. Os partidos xogarantes tanto nas instalacións de Redondela como nas de Chapela. Crespo sinala que traballan na participación de equipos de diferentes puntos de Europa, e mesmo dos EEUU. Esta primeira edición, que nace co obxectivo de consolidarse no futuro, prevé contar con 40 equipos, dez por cada categoría. O presidente do Choco explica que será unha importante cita deportiva, que servirá tamén para promocionar Redondela e os seus atractivos turísticos.

Iván Crespo presidente do C.D.Choco
O torneo de Semana Santa será unha gran experiencia para os participantes.
Torneo Internacional
A cita será a finais de xuño e os partidos disputaranse tanto en Redondela como en Chapela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *