Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

O BNG pide no Parlamento un plan integral que minimice o impacto das obras da AP-9 en Chapela

RR_Noticias

A formación nacionalista presentou no parlamento diversas iniciativas a través das cales demanda “un plan integral” que mellore a calidade de vida e minimice o impacto producido polas obras de ampliación da AP-9, con atención especial aos centros educativos e a aplicación de medidas que reduzan o ruído. Solicitan tamén da Xunta que demande do Estado que suprima a peaxe da AP-9 entre Redondela e Vigo.
O deputado do BNG, Luís Bará rexistra diversas iniciativas parlamentaria sobre o impacto das obras de ampliación da AP-9 e da Ponte de Rande sobre a parroquia de Chapela.

O parlamentario salienta que a proximidade das obras está a afectar gravemente ao desenvolvemento dos centros escolares e a súa normal actividade lectiva así como vivendas e outras infraestruturas na parroquia e contorna por mor dos ruídos, que superan os niveles máximos permitidos na lexislación.
A través da proposición non de lei, o nacionalista insta ao goberno galego a impulsar “un plan integral” que mellore a calidade de vida e minimice o impacto producido polas obras de ampliación da AP-9.
Asemade, o BNG pedirá á Xunta demandar do Goberno do Estado a supresión da peaxe da AP-9, no treito Redondela-Vigo e transformar a estrada N-552 nunha “rúa urbanizada na que prime a seguranza viaria,  a accesibilidade e mobilidade peonil”:
Luís Bará tamén reclama a permanencia do servizo de Correos, na súa actual ubicación, ata novo traslado, esixir á concesionaria a instalación, este ano, de sistemas de protección antiruído na zona de Chapela e Teis e pavimentos que reduzan o impacto acústico.
Finalmente, o parlamentario do BNG tamén reclama “axilizar os tramites de recualificación dos terreos para o novo centro escolar e a Igrexa e que a súa construción sexa iniciada este ano ao igual que a construción da escola infantil nos terreos do lugar de Cidadelle onde está prevista a construción do novo colexio da Igrexa.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará