Hoxe é Martes 11 de Maio de 2021

O BNG asesora aos veciños ante a chegada dos primeiros recibos do “catastrazo”

RR_Noticias

Nos últimos días están chegando as cartas procedentes da dirección xeral do catastro coa actualización que afecta a numerosas vivendas no concello de Redondela. Explican dende o BNG que teñen confirmación da chegada de recibos ás parroquia do Viso, Ventosela, Chapela e Cesantes”, afirma, unha revisión castastral que “supoñemos que nas vindeiras semanas chegarán á totalidade da veciñanza e que vai supoñer un significativo aumento da taxa anual”. Denuncian que o goberno local non puxera en marcha un punto de información para asesorar aos afectados en Chapela, tal e como así se acordara en pleno, e anuncian “unha campaña de asesoramento para presentar as alegacións” que arrancará este xoves en Chapela.

Este xoves día 2 ás 19:00 horas e o vindeiro 9 de marzo desenvolverán no Multiúsos de Chapela actos informativos sobre o catastrazo e tamén asesorarán aos veciños que se acheguen ao seu local a partir das 18:00 horas “manteremos este servizo durante todo o tempo que sexa necesarios para que aqueles veciños e veciñas aos que lles queiran cobrar inxustamente, poidan presentar alegacións”.
O responsable local do BNG, Anxo Lusquiños lembra que esta actualización catastral suporá un incremento nos recibos de moitos veciños aos que se lles comezará a cobrar o IBI por elementos que até o de agora ficaban exentos deste tributo como galiñeiros, galpóns, pendellos ou mesmo churrasqueiras. A medida suporá un importante impacto para as familias, que deberán pagar unha taxa de regularización de 60 euros ademais de pasar a computar ese elemento como unha construción máis gravada co IBI.
Os nacionalistas solicitaron no pleno que un traballador do concello asesorase aos afectados que quixeran alegar contra o tributo. O PP rexeitou esta proposta argumentando que este servizo xa se ofrece na oficina de recadación municipal, algo que o Bloque considera insuficiente. Con todo, Lusquiños demanda que se dea este servizo tamén en Chapela e que se abra nesta parroquia unha oficina informativa.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *