Hoxe é Venres 27 de Novembro de 2020

O quiosco Cocó reparte en Redondela un décimo do quinto premio, o 22259

RR_Noticias

Un pequeno petisco caeu en Redondela, concretamente un décimo do número 22259 agraciado con 6.000 euros e que foi vendido no quiosco Cocó, na praza da Constitución. Un número que se despachou por máquina e cuxo titular se descoñece. Un quinto premio moi repartido que tamén se vendeu en Vigo, Bueu, Cambados, Porriño, Guntín, Santiago e As Pontes de García Rodríguez. O primeiro premio, vendido integramente no barrio Acacias de Madrid, recaeu no número 66513.

O Gordo de Nadal, que reparte 4 millóns de euros, vendeuse exclusivamente nunha administración madrileña e dábase a coñecer pouco antes das doce do mediodía.
Un primeiro premio que non deixaba nada en Galicia que si foi agraciada co segundo, o 4536, que foi vendido en Ponteareas, Moaña e Moraña e que deixa na nosa comunidade 2,3 millóns de euros. Un premio moi repartido porque se vendeu tamén en dúas localidades de Ourense, Santiago, Escairón, Lugo, Boqueixón, Coristanco, A Pontenova, Neda e Mazaricos. Os agraciados recibirán 125.000 euros a décimo.
O terceiro premio, 78748, quedou en Navarra e os dous cuartos desta Lotería foron para os números 59444 e 07211.
Habería que esperar ao quinto premio para que a sorte lle sorrise ao noso concello. Con todo, un único décimo vendido por máquina do número 22259 que foi vendido no quiosco Cocó e que premia ao seu titular con 6.000 euros.

 

 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *