Hoxe é Luns 26 de Outubro de 2020

O parque infantil do Campo da Feira aparece cheo de pintadas

RR_Noticias

As pintadas, que afectan principalmente á caseta e a algúns dos elementos do xogo, teríanse producido na madrugada de hoxe sen que polo de agora se coñeza a identidade dos seus autores. O Concello fai un chamamento á colaboración cidadá para que se poida dar cos culpables. Explica o edil de interior, Arturo González, que malia non ser a primeira vez que se produce un acto vandálico destas características si é o máis grave pola superficie danada.

O espazo máis danado por estas pintadas, que carecen de calquera valor estético, é o lugar que os pais e nais empregan para dar de merendar aos nenos, aínda que tamén algún elemento de xogo foi vítima destes vándalos. Localizar aos autores é difícil, pero dende o concello xa se trasladaron os feitos á Policía Local e presentarase denuncia ante a Policía Nacional. Fan un chamamento ademais a colaboración cidadá para que se achegue calquera información que poida servir para atopar ao autor ou autores destes feitos que son un atentado contra o patrimonio de todos.  

Arturo González edil de interior
Informa dos feitos acontecidos esta madrugada
Colaboración cidadá
Atopar aos culpables dun feitos que nos afectan a todos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *