Hoxe é Mércores 25 de Novembro de 2020

Redondela estuda pedir xudicialmente a suspensión dos acordos do primeiro pleno da Área

RR_Noticias

O alcalde de Redondela, Javier Bas, insiste na idea de que a constitución da Área Metropolina e o seu transporte “van ligados”, e que o imcumprimento por parte do Concello de Vigo supón que a área “nace morta”. O rexedor redondelán advirte que a integración do autobús urbano de Vigo suporía para os veciños de Redondela un aforro superior aos 500 euros anuais.

Esa é a diferencia de pagar os actuais 1,32 euros que custa a viaxe, en comparación co 0,86 que sería o prezo fixado nas tarifas do transporte metropolitano. Ante a falta de acordo por parte do alcalde vigués, Abel Caballero, os alcaldes e concelleiros do PP que o xoves tomaron posesión como representantes da asemblea da área Metropolitana de Vigo, abandonaron a sesión constitutiva deste órgano. O alcalde de Salvaterra, o popular Arturo Grandal, que presidía a mesa de idade, tratou de suspender o pleno ante as discrepancias sobre a posta en marcha da área sen a integración de Vigo no transporte metropolitano. No entanto, o secretario do pleno advertiulle de que non había “causa legal” para esta suspensión. Ante ese pronunciamiento, tanto Bas como os seus compañeiros de partido, levantáronse e abandonaron o pleno xusto antes de que Abel Caballero, alcalde de Vigo, presentase a súa candidatura para presidir a área Metropolitana. O alcalde redondelán anunciou que desde o Concello estudan a posiblidade xurídica de que os acordos adoptados nese pleno sexan declarados nulo. Bas defende que a súa actuación non é partidista, senón que defende “os intereses dos redondeláns”, xa que todos os veciños da área deben ter un trato igualitario e pagar o transporte en todos os municipios ao mesmo prezo.

Javier Bas alcalde de Redondela
O Concello estuda a posibilidade legal de que os acordos adoptados no pleno da área sexan declarados nulos.
Transporte metropolitano
Bas lembra que todos os alcaldes coincidían en esixir a entrada de Vigo no tranporte para poder configurar o ente supramunicipal.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *