Hoxe é Luns 26 de Outubro de 2020

Lupo: “O Rodosa Chapela necesita encadear un par de vitorias para ver a luz ao final do túnel”

RR_Noticias

O equipo feminino de Honra Prata disputa esta fin de semana o partido ante a SAR Rodavigo. A situación na que chegan os dous equipos ao derbi é ben diferente, coas de “Chini” defendendo o liderado e as de Chapela loitando pola permanencia.

O adestrador do Rodosa Chapela recoñece que siguen arrastrando “a sombra negra” da pasada temporada. Jose Luis Martínez “Lupo” lamenta que, malia ter feito bos encontros, sempre hai uns minutos nos que perden o control “e o partido vaise”. Nas oito xornadas que levan de liga suman unha única vitoria, o que afonda tamén na ferida “a nive anímico” das xogadoras. Por iso para o técnico é importante encadear un par de resultados positivos quelles permitan saíra desa espiral e “recuperar a confianza”. O esixente nivel que se está a vivir na liga non axuda ao equipo do BM Chapela, cun grupo moi complicado e de gran calidade. Para Lupo, agás o Camargo, actual pechacancelas, calquera equipo ten potencial “para gañar a calquera”. O seu próximo rival é a SAR, que chega a Chapela como líder en solitario, polo que o derbi será “máis complicado ca nunca”. As de “Chini” acumulan unha excelente racha positiva, mentres as anfitrioas pelexan por saír dos postos de descenso. Pero Lupo confía en “dar a sorpresa” e facerse cun triunfo “moi necesario para o equipo”. Agarda que sexa un partido “bonito” e con moita afección nas bancadas para apoiar o balonmán feminino. O encontro será o domingo, día 4, ás 12.30 horas no pavillón municipal de Chapela.

José Luis Martínez "Lupo" adestrador
O técnico explica que precisan encadear un par de resultados positivos para recuperar a confianza.
Honra Prata
Lupo sinala que o seu grupo é o máis compliado da categoría con moitos equipos de alto nivel.
Rodosa Chapela-SAR Rodavigo
O derbi do domingo será trascendental para os obxectivos do equipo de Chapela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *