Hoxe é Mércores 28 de Outubro de 2020

A experiencia de practicar mushing tamén en Redondela

RR_Noticias

O mushing é unha modalidade deportiva procedente dos países nórdicos na que o can está unido cun arnés e unhas cordas ao corredor. Unha disciplina que chegou non hai moito a España e que ten en Galicia numerosos seguidores que fan da nosa comunidade toda unha potencia. Co obxecto de dar a coñecer este deporte o Club Canicross de Vigo en colaboración coa Concellería de deportes organiza esta fin de semana dúas actividades no noso concello, o sábado unha exhibición na Alameda e partir das 11:30 e o domingo unha proba en Chan das Pipas en Saxamonde na que se esperan máis de 40 participantes.

Os afeccionados a este deporte defíneno como unha simbiose entre o can e humano que permite gozar da natureza compartindo a paixón por correr dos dous integrantes do equipo. Para practicalos non é preciso contar cun can dunha raza específica, tan só é preciso contar cun animal que resista correndo varios quilómetros e que adoitan ser exemplares de 20 ou 30 kilos. Na mañá do sábado os integrantes do Club organizador realizarán unha exhibición para dar a coñecer este deporte e permitirase aos asistentes probar da experiencia. Xa o domingo a partir das 10 celebrarase na contorna do Chan das Pipas a competición con saída e chegada no campo de fútbol de Saxamonde. Haberá probas nas tres modalidades de patín, bikejoring e canicross cun percorrido de 4,5 quilómetros.  

David Costas Club Canicross Vigo
Un deporte para cans e humanos
Animais resistentes
Con forza para percorrer grandes distancias

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *