Hoxe é Luns 26 de Outubro de 2020

O Redondela F.S. busca consolidar o cambio de tendencia cunha vitoria no derbi

RR_Noticias

A vitoria da pasada xornada ante o líder, o Lume, permitiulles pechar unha negativa xeira de catro derrotas. Superar a un equipo que chegaba invicto a Redondela supón unha gran inxección de moral para os xogadores, que esta fin de semana afrontan o derbi ante o Campito coa mesma intensidade.

O adestrador, Manuel Otero, amósase aliviado logo deste triunfo, xa que o equipo encadeaba unha serie de resultados negativos, mermado polas lesións que nas últimas xornadas os privaron de ata cinco xogadore. A vitoria, ademais de permitirlles sumar tres puntos importantes, supón máis confianza para os xogadores. Un dos máis veteranos, Juan Puertas, recoñece que o equipo necesitaba gañar un partido deste xeito, cun gol no último segundo. Con todo, advirte que o nivel de intensidade que demostraron ante o Lume debe ser o mesmo co resto de rivais se queren seguir avanzando na competición. Otero confía na calidade dos seus xogadores, e malia que sigue vendo como favorito ao Lume, pensa que o Redondela pode estar entre os tres mellores ao remate do campionato, sempre que os respecten as lesións. Agora pensan no partido co Campito, un derbi que os levará a Chapela a próxima fin de semana. Recoñecen que o nivel do rival dista moito do da pasada campaña, xa que sufriron moitas baixas, pero advirten que non poden fiarse da súa posición na táboa. O veterano Puertas, que militou en equipos de Primeira e Segunda División en Pontevedra, Santiago, Talavera ou Granada, tamén viviu a experiencia profesional de xogar na liga italiana e a de Kuwait. Agora, de volta na casa, amósase afortunado por ter vivido esas experiencias, e seguir agora gozando do deporte preto da súa familia e amigos. A piques de cumprir 37 anos, o veterano xogador é todo un referente no vestiario, e un “espello” no que se queren ver reflectidos todos os deportistas das categorías inferiores do Redondela F.S.

Juan Puertas xogador
O veterano futbolista amósase satisfeito de xogar en Redondela logo do seu periplo por Italia e Kuwait.
Manuel Otero adestrador
As lesións prexudicaron ao equipo que encadeu catro derrotas consecutivas.
Victoria ante o líder
Gañar ao Lume supuxo unha importante inxección de moral para o equipo.
Campito-Redondela F.S.
Otero e Puertas falan do derbi desta fin de semana en Chapela.
Obxectivos da temporada
Otero marca como obxectivo rematar a liga entre os tres primeiros clasificados.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *