Hoxe é Martes 24 de Novembro de 2020

Redondela súmase a moda das carreiras de orientación

RR_Noticias

Unha modalidade deportiva que baixo o lema “primeiro pensa, despois corre” está aberta a todo tipo de públicos e idade. Esta primeira carreira de orientación organizada pola Concellería de deportes e coordinada pola asociación de montañeiros A Roelo de Pontevedra, desenvolverase o domingo 20 a partir das 10:00 horas cun percorrido completamente urbano. O prazo de inscrición, que se pode formalizar a través da páxina web do concello, remata este xoves.

As carreiras de orientación consisten en percorrer un itinerario determinado visitando uns puntos nos que hai colocadas unhas balizas. Un percorrido que se realiza coa axuda dun mapa e, as veces, dun compás ou brúxula. Unha modalidade deportiva que conta con numerosos adeptos segundo explica Ricardo Figueroa, da Asociación de montañeiros A Roelo. O seu atractivo principal radica en que os participantes deben sumar diferentes cualidades, xa que o máis importante non é correr senón desenvolver a capacidade para ler o mapa e saber cales son os nosos puntos de destino. Habitualmente estas carreiras desenvólvense no medio natural, pero nesta primeira organizada en Redondela o percorrido vai ser totalmente urbano, permitindo achegarnos a lugares descoñecidos ou nos que non reparamos habitualmente. Haberá ademais dúas categorías para unificar o máximo posible as características dos participantes e regular nivel de esixencia física, con dous percorridos diferentes, un para menores de 9 anos que irán acompañados de adultos e outro para adultos.  

Ricardo Figueroa Montañeiros A Roelo
Explica en que consisten as carreiras de orientación
Percorrido urbano
A de Redondela desenvolverase polo casco urbano e sobre todo polo casco vello
Para todos os públicos
Aberta a participación de grandes e pequenos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *