Hoxe é Luns 23 de Novembro de 2020

Condenados a vivir baixo a ponte

RR_Noticias

Tres casas quedarán baixo a ponte unha vez conclúa a ampliación da autoestrada. Así o denuncian os veciños afectados, residentes en Rande que dende hai unha semana viven con “temor, medo e indignación” uns traballos que fan que “pezas de ferro de gran tamaño se trasladen por enriba dos tellados das nosas vivendas”. Ante a situación na que van quedar esas casas solicitan a súa expropiación.

Diego Lago é un dos residentes na zona e denuncia que en ningún caso se puxeron en contacto con eles para informarlles dos traballos nin alertar do perigo que supuñan os traballos que se están a realizar sobre as súas vivendas dende hai unha semana. “De súpeto atopámonos cunhas pezas de ferro de gran tamaño sobre os nosos tellados movidas por un guindastre e tememos pola nosa seguridade”. A situación aínda empeorou cando os operarios comezaron a traballar en horario nocturno provocando un ruído que non era compatible co descanso. Séntense enganados xa que “os planos de Fomento non contemplaban a ocupación de terreos que están facendo actualmente, invadindo as propiedades privadas”. Explican que nesa situación atópanse unha seis ou sete vivendas “das cales tres quedan directamente baixo a obra” polo que demandan que sexan expropiadas.  

Diego Lago veciño de Rande
Denuncia a situación que padecen
Solicitan a expropiación
Única solución que ven viable
Séntense enganados
Non se lles dixo que ían ocupar os seus terreos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *