Hoxe é Sábado 31 de Outubro de 2020

O C.R. Chapela remata a temporada de traíñas na Liga Galega cos obxectivos cumpridos

RR_Noticias

Coa permanencia na LGT-A para o equipo masculino, e o subcampionato galego na modalidade feminina, o Club de Remo Chapela dá por boa a temporada 2016. Rematada a Bandeira A Mariña xa traballan na próxima campaña co obxectivo de seguir mellorando “paso a paso”.

O presidente do club, Julio Prado, recoñece que o barco masculino optaba a rematar “algunha praza máis arriba”, pero os cambios de última hora na tripulación limitaba o obxectivo a manterse na máxima categoría do remo galego. E iso conseguiuse esta fin de semana ao rematar na 8ª praza da LGT-A. O Club de Remo Ares foi o que se fixo en Ribadeo coa Bandeira A Mariña, e tamén co título de campión galego da LGT-A, nun fin de liga moi emocionante no que ata o último minuto non se coñecía ao gañador, dada a igualdade que mantiñan con Samertolameu, que finalmente quedou en segunda posición a dous puntos. Por outra banda, o club de Perillo será o que descenda á LGT-B, logo de rematar na última posición, 11º. Rianxo, que rematou campión de LGT-B, e Cabana Ferrol, que se clasificou no “play-off”, serán a próxima temporada embarcacións da máxima categoría. LGT Feminina A embarcación feminina do C.R. Chapela proclamouse subcampioa de Galicia, por detrás de Cabo de Cruz. As de Boiro demostraron un alto nivel, propio dun equipo de liga superior como a Euskotren, a competición española de máxima categoría no remo feminino. En terceiro lugar quedou a embarcación de A Cabana-Ferrol.  

Julio Prado presidente do C.R. Chapela
O club cumpriu cos obxectivos
Un campionato de liga emocionante
Esta temporada o campionato de liga non se decidiu ata a última bandeira.
Liga Feminina
O barco feminino do C.R. Chapela acadou moi bos resultados.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *