Hoxe é Martes 27 de Outubro de 2020

Jazz, bossa nova e swing no Meixón Music

RR_Noticias

O grupo redondelán Jazz na Terraza é o protagonista do ciclo de concertos na rúa Meixón Frío. Mañá xoves actuarán dentro do programa que organizan os locais Café da Vila e A tenda da Candelaria. Jazz, swing e bossa nova serán os ritmos que acheguen ao público desde as 20.30 horas.

A voz de Ana Area estará acompañada polos músicos Diego Calía, Antonio Castillo, Ignacio Pérez, Lucas Castellano e Rafael Tejo. Trátase de compoñentes de diferentes grupos musicais que, malia non ter aínda un nome propio como tal, reúnense para ensaiar desde hai anos. Logo dun concerto o pasado Nadal na Tenda de Candelaria, repiten este verán na programación de Meixón Music. Diego Calía explica que transitan nos tres estilos musicais, e salienta a calidade vocal de Ana Area na bossa nova. Aproveitarán o concerto deste xoves para darse a coñecer como formación nun espazo “moi especial”, no que os músicos se senten “moi arroupados” polo público ao actuar a pé de rúa. A cita musical contará tamén coa participación da Asociación redondelá de Axuda ao Refuxiado, que organiza unha proxección de imaxes e recitais para concienciar ao público sobre os problemas dos refuxiados.  

Diego Calía batería
O músico fálanos dos ritmos que interpretará o grupo.
Meixón Music
Para Calía o Meixón Music é un espazo moi especial.
Axuda ao refuxiado
A Asociación redondelá de axuda ao refuxiado participará no acto.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *