Hoxe é Luns 27 de Setembro de 2021
History
Stations
NOTHING FOUND!

Soutomaior inaugura o seu segundo parque para cans

RR_Noticias

O recinto estreábase o sábado en paralelo cunha campaña de concienciación sobre a importancia da recollida de excrementos e o reparto de bolsas. O novo parque, segundo que funciona neste concello orientado ás mascotas, ten unha superficie de 900 metros cadrados e está instalado na parcela situada sobre o túnel do AVE, na Avenida Castelao. O concello estuda a construción dun acceso ao paseo marítimo para conectar así as dúas zonas caninas da localidade

Como é costume neste tipo de espazos, instaláronse diversos elementos de divertimento para os cans, ademais de colectores para residuos, bolsas para a recollida de excrementos e bancos para que os responsables dos animais poidan descansar mentres xogan as súas mascotas. Todo iso dentro dun recinto valado e con dobre entrada para garantir a total seguridade dos cans. Do mesmo xeito, instalaranse paneis informativos á entrada do parque para concienciar aos usuarios da necesidade de contribuír ao bo uso e mantemento do mesmo.
Nun futuro dotarase ao recinto dunha zona de sombra tanto para as mascotas como para os seus donos. Ademais, xa se están valorando posibles melloras como a construción dun acceso ao paseo marítimo e poder conectar así as dúas zonas caninas da localidade.
A instalación deste novo parque canino marca o inicio da campaña de concienciación cidadá sobre a necesidade da recollida de excrementos caninos impulsada polo Concello de Soutomaior. Unha iniciativa que ademais de proporcionar información aos donos de cans inclúe a repartición de bolsas e accesorios cairos entre os usuarios do parque.
O alcalde de Soutomaior, Agustín Reguera, afirmou que “para Soutomaior é unha gran honra ter veciños tan implicados no benestar das súas mascotas e desde o Concello estamos encantados de poder apoiar esta clase de propostas. Desde hai uns anos propuxémonos buscar lugares idóneos en espazos verdes para instalar este tipo de parques e que os propietarios de mascotas teñan á súa disposición un recinto seguro para gozar delas”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *