Hoxe é Luns 20 de Setembro de 2021
History
Stations
NOTHING FOUND!

Clases gratuítas de tai chi en Redondela e Chapela

RR_Noticias

Os afeccionados ao tai chi teñen a oportunidade este verán de gozar desta actividade ao aire libre e de maneira gratuíta tanto en Redondela como en Chapela. A Concellaría de Benestar Social ofrece durante os meses de xullo e agosto esta modalidade deportiva na Alameda de Redondela e nos xardíns do Multiusos de Chapela.

As clases desenvólvense en horario de 9.30 a 10.30 horas e os martes e xoves no parque redondelano, e os luns e mércores co mesmo horario na parroquia chapelana. A actividade está dirixida a persoas de todas as idades e os interesados en participar non necesitan inscribirse previamente, basta con acudir aos lugares e nas horas indicadas con roupa cómoda. As clases impartiranse até o próximo 31 de agosto.
O tai chi é unha forma de realizar exercicio moi saudable e apta para todas as idades que reporta beneficios en pouco tempo xa que traballa distintos compoñentes como a forza muscular, a flexibilidade, o equilibrio e a coordinación.
Para máis información pódense dirixir aos Servizos Sociais, na rúa Isidoro Queimaliños, núm. 2 ou chamando ao 986 40 26 08. Tamén nas oficinas de Servizos Sociais de Chapela, nos baixos do pavillón de deportes, ou chamando ao 986 45 89 93.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *