Hoxe é Domingo 21 de Abril de 2024
Stations
NOTHING FOUND!
Current listeners: 
Peak listeners: 

López-Chaves e Bas vinculan o descenso do paro en Redondela aos plans de emprego da Xunta

RR_Noticias

O delegado da Xunta en Vigo, Ignacio López-Chaves visitou na mañá de hoxe Redondela para presentar o obradoiro de emprego “Redondela Ecosostible II” no que se formarán vinte desempregados, dez dos cales formaranse na especialidade de cantería e outros dez en xardinería e agricultura ecolóxica. Un obradoiro que busca mellorar a empregabilidade dos seus alumnos-empregados e que contará cunha subvención por valor de 180.000 euros.

O obxectivo deste obradoiro é formar a 20 persoas desempregadas para mellorar a súas posibilidades de cara a atopar un traballo. Ademais durante os seis meses que dura o obradoiro recibirán un salario como “alumnos-traballadores” nas especialidades de cantería e xardinería. A actuación principal que desenvolverán no concello como parte importante da súa aprendizaxe, centrarase no acondicionamento e mellora da Alameda. Tanto López-Chavez como o alcalde, Javier Bas, vincularon a realización destes obradoiros, un total de 6 dende a chegada do PP á alcaldía, co descenso experimentado nos últimos tempos no número de desempregados en Redondela, que chegou superar os 3.000 e actualmente atópase en 2.217. Neste sentido Bas apuntaba que “estes plans de emprego están a ser moi efectivos como o demostra o feito de que Redondela teña a taxa de paro máis baixa dos municipios de Pontevedra que superan os 10.000 habitantes”. A oferta complétase cun segundo obradoiro, o “Emprega Xove II” orientado a menores de 30 anos. Impartirá a especialidade de pintura decorativa a un total de 8 alumnos que se encargarán do acondicionamento do Multiúsos. A segunda especialidade formará a 7 alumnos no deseño gráfico. As persoas interesadas nestes obradoiros poden informarse na Oficina de desenvolvemento local ou inscribirse directamente na oficina do Servizo Público de Emprego.  

Ignacio López-Chavez delegado da Xunta
Uns obradoiros que permiten aos alumnos seren remunerados
Javier Bas alcalde
Descenso do paro
Mellorar a Alameda
As prácticas do alumnado centraranse no acondicionamento da Alameda

Facebook
Twitter
LinkedIn
Pinterest
WhatsApp

Deixa unha resposta

O teu enderezo electrónico non se publicará