Hoxe é Xoves 16 de Setembro de 2021

Carlos Taibo achega a Redondela unha visión crítica do TTIP

RR_Noticias

 O profesor de Ciencias políticas e escritor Carlos Taibo ven de publicar “Para entender el TTIP. Una visión crítica del acuerto trasatlántico de comercio e inversiones” no que analiza as consecuencias, ao seu entender nefastas, que conlevará a sinatura do acordo transnacional de comercio entre Estados Unidos e Europa con repercusións para o cidadán no terreo medioambiental, social e laboral. De todo isto falará hoxe mércores ás 20:00 horas no Multiusos da Xunqueira nun acto aberto organizado pola Asociación Cultural Alén Nós.

O TTIP é ao entender de Carlos Taibo “unha xogada mestra das transnacionais para incrementar o seu poder baixo a cobertura retórica dun acordo que atendería ao dobre propósito de facer desaparecer aranceis e duplicacións”.
Na charla de hoxe falará do deterioro que suporá para o cidadán a súa aplicación no terreo medioambiental, no social e no laboral, xa que suporía un empeoramento dos dereitos dos traballadores cunha nova reforma laboral e provocaría maiores recortes nos servizos públicos.
Tamén analizará o secretismo co que se está a negociar e que leva a preguntarse porque unha negociación clandestina cando teoricamente estase a falar dun tratado que só traería consecuencias positivas “evidentemente a falta de transparencia responde a que hai detrás consecuencias negativas que non queren que se coñezan”.
Taibo é un defensor da mobilización en contra deste acordo pero alerta de que o primeiro paso é informar do que se agocha detrás do TTIP “é imprescindible que nos organicemos para asumir unha estratexia conxunta de desobediencia contra un acordo que nos queren impoñer”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *