Hoxe é Sábado 31 de Outubro de 2020

Leonardo Cabaleiro (PSOE): “É inviable chegar a acordos co PP”

RR_Noticias

Os socialistas aguantan en Redondela, xa que pasan de 4.342 votos en decembro a 4.330 nos comicios de onte. O secretario dos socialistas no noso concello Leonardo Cabaleiro, recoñece que se trata duns resultado que deixan un sabor “agridoce” porque malia resistir e superar con moito os prognósticos que deixaban as enquisas a nivel estatal volve perder apoio e quedan con tan só 85 escanos, moi lonxe da maioría e cun calendario moi complicado de negociacións para chegar ao goberno.

“Nós saímos a gañar polo que os resultados non son bos” explica Cabaleiro quen recoñece que os grandes beneficiados foron os populares, non só coa remontada a nivel estatal senón tamén en Redondela ao recuperar o primeiro posto que hai seis meses lle arrebatara En Marea. Amósase convencido de que non deberían celebrarse novos comicios “temos a obriga de chegar a entendementos coas forzas de progreso” descartando así un apoio por activa ou por pasiva ao PP “na miña opinión é inviable chegar a acordos co PP, un partido que lle está a facer e lle fixo moito dano ao país”.  

Leonardo Cabaleiro PSOE
Analizamos os resultados co secretario xeral do PSOE en Redondela

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *