Hoxe é Xoves 3 de Decembro de 2020

A retranca de Luis Davila enche de humor o Multiúsos da Xunqueira

RR_Noticias

A exposición itinerante do humorista gráfico Luis Davila enmárcase no programa de actividades culturais que o departamento provincial de Cultura e Lingua está levando por todos os concellos da provincia no marco do Ano Castelao. A exposición que leva por nome “A retranca dun país” propón un percorrido polas viñetas máis exitosas deste deseñador gráfico e humorista. A mostra permanecerá no Multiúsos ata o vindeiro 24 de xuño.

Esta inciativa da Deputación pretende achegar aos concellos unha serie de actividades relacionadas coas distintas disciplinas artísticas que o propio Castelao desenvolveu ao longo de toda a súa vida. Así, partindo de que nos anos 20 e 30 do século XX Castelao colaborou nos diarios vigueses Galicia e Faro de Vigo coa publicación dunha serie de viñetas tituladas de maneira xenérica “Cousas da vida”, conéctase esta actividade coa dun debuxante coma Luis Davila, que na actualidade e tamén desde a prensa galega trata as realidades galegas do día a día.
A exposición poderá visitarse ata o 24 de xuño de luns a venres en hroario de 9:00 a 14:00 horas e de 16:00 a 21:30.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *