Un venres cargado de citas de carácter literario que arrancarán cunha oferta para os máis pequenos. Un contacontos na biblioteca e Chapela para público infantil a cargo de Alba Bermúdez ás 18:30 horas. Xa ás 20:30 horas a Casa da Cultura acolle unha charla coloquio baixo o título Pornotopía: a cama ultraconectada. Unha actividade coordinada polo profesor de filosofía Antóm Nieto.
Con este parladoiro a Asociación amigos das bibliotecas pechan o curso no que desenvolveron diferentes actividades orientadas a promover a lectura e animar aos veciños a achegarse ao colectivo. Pornotopía: a cama ultraconectada. Beatriz Preciado lê Playboy” é o título desta proposta coordinada por Antóm Nieto, profesor do IES do Sar de Compostela. O coloquio xira en torno ao libro: Pornotopía: arquitectura y sexualidad en el Playboy durante la Guerra Fría, que foi finalista do Premio Anagrama de Ensaio no ano 2010. A súa autora é a filósofa Beatriz Preciado/Paul B. Preciado. Para participar nesta actividade recoméndase a lectura de varios fragmentos seleccionados do libro, que se poden solicitar nas bibliotecas municipais, ou a través do correo da asociación. Tamén pecha o curso a Biblioteca de Chapela co contacontos “Comechíns”, con Alba Bermúdez do grupo teatral Triatreros. Un contacontos que fala sobre a boa alimentación dun xeito divertido e gorentoso e que está orientado a rapazada de 4 a 10 anos e público familiar. Entrada libre ata completar aforo.
Fala dos obxectivos da asociación
Unha charla sobre Pornotopía
Contacontos para os nenos
