Hoxe é Xoves 22 de Outubro de 2020

Samuel Blanco: “Para practicar este deporte tenche que gustar sufrir”

RR_Noticias

O Ciclista redondelán Samuel Blanco ven de proclamarse subcampión Sub23 do campionato galego contrarreloxo en Baños de Molgas en Ourense. Un éxito deportivo que segundo recoñece é froito do “traballo, traballo e máis traballo” pero tamén da confianza que depositaron nel os responsables do Club Ciclista Rías Baixas, con Marcos Serrano a cabeza como director do equipo técnico.

O ciclista redondelán Samuel Blanco era recibido onte no concello polo edil de deportes, Julio Mougán quen o felicitou polo seu segundo posto no Campionato Galego de Contrarreloxo na categoría sub-23. Un novo éxito deportivo protagonizado por un veciño de Chapela que é froito do esforzo persoal do deportista pero tamén do intenso traballo de base que se vén facendo dende a escola de ciclismo que dirixe Marcos Serrano e que fai que esta modalidade deportiva siga medrando. Samuel Blanco, con tan só 21 anos milita no Club Ciclista Rías Baixas logo de 5 anos de intensa actividade deportiva dende que comezara con 16 a dar as súas primeiras pedaladas no Club Ciclista Vigués. Coa confianza que depositou Marcos Serrano e Chamorro, decántase por fichar no Club Ciclista Rias Baixas, equipo no que milita actualmente, e pelexa por facerse un oco no ciclismo profesional. Logo dos éxitos acadados nas últimas semana márcase agora como próximos obxectivos participar na Vuelta a Castellón, nos campionatos de España e no campionato galego. Un recoñecemento no que participou tamén o seu adestrador, Marcos Montes, responsable da escola de ciclismo que conta en Redondela con 60 ciclistas, nenos e nenas menores de 18 anos, de Redondela, Soutomaior, Mos ou incluso Vigo.  

Samuel Blanco ciclista
Traballo e máis traballo é o que hai detrás dos seus éxitos deportivos
Julio Mougán concelleiro de Deportes
Recoñece o traballo persoal do ciclista e salienta o labor de base que se está a facer en Redondela
Marcos Serrano técnico do Club Rías Baixas
Responsable da escola de ciclismo de Redondela

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *