Hoxe é Domingo 29 de Novembro de 2020

Augas de Galicia limpa o tramo urbano do río Maceiras para evitar inundacións

RR_Noticias

Con esta actuación que arranca hoxe, a Consellería de Medio Ambiente conclúe os traballos para solventar os danos provocados polas inundacións rexistradas o pasado mes de febreiro. Actuarase nun tramo cunha lonxitude de 200 metros, entre a Avenida de Vigo e a canalización soterrada da calle Salgueiral, e o importe dos traballos supera os 30.000 euros. Augas de Galicia confía en que esta medida evite novos desbordamentos como os acontecidos este inverno e que deixaron o barrio de Vilavella baixo a auga causando importantes danos en comercios, garaxes e vivendas.

A Consellería de Medio Ambiente e Ordenación do Territorio inicia hoxe os traballos de retirada de sedimentos no tramo urbano do río Maceiras. Con esta actuación, completaranse e concluiranse os traballos para solucionar os danos provocados polas inundacións rexistradas en febreiro deste ano. A actuación afectará a un tramo de 200 metros e o importe dos traballos supera os 30.000 euros (33.860). Consistirá na retirada de sedimentos retidos no tramo urbano encanelado comprendido entre a Avenida de Vigo e a canalización soterrada da calle Salgueiral (límite a partir do cal comeza o Dominio Publico Marítimo Terrestre).
A retirada de sedimentos neste punto tivo que programarse para estas datas, época de estiaxe, para poder permitir os traballos da maquinaria dentro do canle do río sen perigo para os traballadores.
Consistirán nuns traballos mecanizados dende as beiras con maquina retroexcavadora, nos puntos onde a distancia o permita, co obxecto de minimizar no posible a entrada da maquinaria no leito do río. Ademais, realizarase cunha miniretroexcavadora a retirada do material ao que non se poda acceder dende as marxes. Estes labores estarán coordinados co Concello para evitar as posibles afeccións ao tráfico.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *