Hoxe é Mércores 28 de Outubro de 2020

150 patinadores participan no pavillón de A Marisma no campionato escolar de grupos show

RR_Noticias

Un total de 150 patinadores participarán este sábado nunha proba do Campionato galego escolar na modalidade show. Unha actividade organizada dende o club de patinaxe Bolboreta de Redondela en colaboración coa concellería de deportes. As portas para asistir a esta vistosa modalidade deportiva abriranse ás 18:00 horas.

O presidente do club Bolboreta, José Albán, anima aos veciños a asistir para gozar das piruetas dos deportistas na pista pero tamén para achegarse a un deporte cada vez máis espallado e que conta xa no noso concello cun total de 80 patinadores. Nenos e nenas de entre 4 e 17 anos que non dubidan en sacrificar o seu tempo de ocio para adestrar duramente e poder así lograr acceder á competición oficial. Albán asegura que o club está a vivir un momento de rexurdimento logo de que hai uns meses se cambiara a directiva e se contratasen adestradores para mellorar o rendemento dos patinadores que xa formaban parte do club así como animar a novos deportistas a unirse a esta disciplina. No campionato escolar deste sábado, participarán un total de 8 clubs (7 da provincia de Pontevedra e un de Ourense) coa presenza da máis de 150 patinadores.  

Julio Mougán concelleiro de Deportes
Campionato escolar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *