Hoxe é Domingo 29 de Novembro de 2020

Puntada sen fío presenta no Multiúsos o seu disco “A lúa prendeu a luz”

RR_Noticias

O ciclo da Rede de Músicas Soltas de Redondela, organizado pola Concellaría de Cultura en colaboración coa Central Folque, acolle este sábado un novo concerto a cargo da agrupación Puntada sen fío que presenta o seu primeiro disco “A lúa prendeu a luz”. O concerto celebrarase no auditorio da Xunqueira o sábado 14 de maio, ás 21.00 h, con entradas a 5 € (2 € para persoas desempregadas e até 25 anos, e de balde ata os 10 anos).

Este grupo naceu en 2015 en Compostela, e está formado por Xiana Lastra (voz), Juan Collazo (percusión) e Roberto Rama (saxo soprano). Estes tres músicos, que pasaron con anterioridade por diferentes formacións musicais, como o grupo de percusión Odaiko, Fía na Roca ou Os dAbaixo, decidiron montar un espectáculo en pequeno formato para chegar facilmente ao público, baseando o seu repertorio na música tradicional e de autor do noso país, cunha sonoridade orixinal, creada en gran medida polos instrumentos que empregan sobre o escenario.
O seu primeiro traballo “A lúa prendeu a luz”, editado en 2015, está formado por nove temas de moi diferentes estilos, desde temas que parten do tradicional a outras composicións propias, de autores da nosa terra ou traducións de cantigas escritas orixinariamente noutras linguas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *