Hoxe é Sábado 31 de Outubro de 2020

O Concello suspende a Sesión golfa na Discotasca “por non reunir o local as condicións necesarias”

RR_Noticias

A proxección de curtametraxes que debía desenvolverse na media noite de hoxe na sala Discotasca queda definitivamente suspendida. Así o confirmou nos nosos micrófonos o concelleiro de interior Arturo González quen atribúe esta decisión do concello “ante a necesidade de garantir a seguridade dos espectadores e dado que este local non reúne as condicións necesarias para realizar este evento”  enmarcado dentro da programación do Redondela en curto.

Explicaba o edil que os servizos xurídicos e técnicos do concello son unánimes á hora de apoiar a cancelación deste evento ao non reunir o local “as condicións de seguridade e aforo que serían precisas para realizar este tipo de actividade”. Engade que a proposta do concello pasa por trasladar a proxección ao Multiúsos pero que “é decisión do director artístico do festival aceptar esa proposta ou suspender a actividade”. Unha sala a Disoctasca que xa en anos anteriores adoitaba albergar actividades paralelas dentro do Festival Redondela en curto. González explica que a diferenza respecto desta edición é que agora “é o propio Concello quen organiza o festival”. Apunta tamén que a normativa é máis estrita dende os tráxicos acontecementos do Madrid Arena.  

Arturo González concelleiro de Interior
Suspéndese para garantir a seguridade dos espectadores
Edicións anteriores
Malia que no pasado si se proxectaron curtas no local é agora cando a decisión recae no concello como organizador do evento

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *