A empresa encargada das obras da AP-9 comprometeuse co concello a “rematar nunha semana de traballo” o asfaltado e acondicionamento do camiño do Mouriño. O vial permanece pechado dende hai dous meses obrigando aos seus usuarios e residentes na zona a dar un rodeo de máis dun quilómetros para acceder a servizos que se atopan a menos de cen metros das súas vivendas. O concelleiro Arturo González confía en que o camiño estea operativo en breve “lamentamos as molestias que causa o seu peche, pero sabemos que se está a traballar na zona para garantir a seguridade ao 100%”.
O edil recoñece e lamenta que o peche deste vial, afectado polo desprendemento dun noiro da AP-9 dous meses atrás, obrigue aos residentes a dar un rodeo de máis dun quilómetro para acceder a servizos imprescindibles como o centro de saúde, os colexios ou a parada de autobús. Insiste en que a situación resolverase en breve xa que “os traballos continúan e están pendentes tan só de restituír o saneamento que se viu afectado polo corremento de terras e o posterior asfaltado do camiño, unha actuación que no caso de que a climatoloxía non o impida podería permitir a reapertura do vial no prazo aproximado dunha semana”. Engade González que “dende o primeiro minuto a empresa está a traballar no camiño e está a realizar obras complementarias para evitar novos desprendementos que poderían afectar aos residentes pero tamén provocar problemas na circulación pola autoestrada”. Malia que a Asociación de veciños propuxo que se habilitara un sendeiro para uso dos peóns que lles evitase dar o rodeo actual, entende o concelleiro que non é preciso ante o inminente remate das obras.
Estima que as obras rematarán no prazo dunha semana
A empresa traballou en varios puntos
