Hoxe é Xoves 3 de Decembro de 2020

O desprendemento da AP-9 mantén cortado dende hai dous meses o Camiño do Mouriño

RR_Noticias

Os veciños denuncian que malia o compromiso de arranxar o camiño en cuestión de semanas, dous meses despois do desprendemento do noiro o camiño segue cortado, o que obriga aos residentes a dar un rodeo de máis dun quilómetro para acceder servizos imprescindibles como o centro de saúde, os colexios ou a parada de autobús. Reclaman que mentres non rematen definitivamente as obras de acondicionamento do camiño se habilite un sendeiro para os peóns.

Explican dende a asociación de veciños que na zona vive unha gran cantidade de persoas “entre os que se atopan nenos, anciáns e persoas con mobilidade reducida que dende hai dous meses “para acceder a servizos que se atopan a cen metros das súas vivendas teñen que facer un percorrido de aproximadamente 1.100 metros”.
“Teñen que subir polo camiño da Rabexa, de gran pendente, continuar polo camiño do Paporoxo e baixar pola estrada principal do Barrio de Cidadelle, tamén de gran desnivel, sen beirarrúas e sen ningún tipo de seguridade para os peóns”, unha situación que os obriga a empregar o coche ou botar man dos taxis para salvar unha distancia que antes do desprendemento percorrían a pé.
Os veciños do camiño amosan a súa indignación “porque dende o concello non se esixa aos responsables da obra o remate inmediato e posta en servizo deste vial” que quedou inutilizado logo do corremento de terras que se producía na zona a consecuencia das chuvias do pasado mes de febreiro. Engaden que “as obras no noiro semellan rematadas, que xa non ven obreiros traballando na zona (so están traballando na autopista) e que aparentemente so falta o acondicionamento e preparación do firme do camiño e esixen que mentres non se rematan as obras se habilite un sendeiro aló menos para os peóns”.
Unha demanda que a Asociación de Veciños de Chapela trasladou xa aos responsables municipais.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *