Hoxe é Luns 23 de Novembro de 2020

O Choco quere repetir a fase de ascenso

RR_Noticias

O equipo de Marcos Montes, malia non pasar do empata a pasada xornada ante o Deportivo B, consolida a terceira praza. Os resultados dos seus rivais directos favorecen aos redondeláns, que afastan un pouco máis aos seus inmediatos perseguidores.

O 1-1 en Santa Mariña ante un rival difícil como o filial coruñés dase por bo en Redondela, logo dun partido no que o Choco acabou con 9 homes e o Depor con 10. Un punto que permite seguir soñando coa clasificación para a fase de ascenso, e que sería a segunda consecutiva para o equipo. Un fito histórico para un club que suma a súa terceira temporada en Terceira División. O público foi fundamental neste último encontro, ao presentar Santa Mariña unha entrada de case 500 espectadores. Montes recoñece que o apoio da súa afección está a ser moi positivo, malia que no club sempre queren que sexan máis os que se acheguen a arroupar aos xogadores. Agora preparan o partido do domingo no campo do Bergantiños, conxunto situado na parte baixa da táboa, e moi necesitado de puntos. O rival vén de gañar ademais no campo do Barbadás, co que suma dúas vitorias consecutivas, polo que Montes advirte que será un partido difícil. A cita é o domingo ás 17.00 horas no campo das Eiroas.  

Marcos Montes adestrador do C.D. Choco
Montes marca como obxectivo manter a praza de fase de ascenso.
Apoio do público
Cada vez son máis os afeccionados do Choco que se dan cita en Santa Mariña.
Bergantiños-Choco
O Bergantiños está na parte baixa da táboa pero nas últimas xornadas mellorou resultados.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *