Hoxe é Domingo 29 de Novembro de 2020

Presentación-concerto do libro “Pito galego, método práctico” na escola de música de Chapela

RR_Noticias

O Servizo de Normalización Lingüística, dentro da programación da VIII Semana do libro, a festa das palabras, organiza a presentación do libro “Pito galego, método práctico”, do músico, docente e investigador Moisés Quintas Suárez. A presentación-concerto celebrarase na Escola de Música de Chapela o martes 5 de abril, ás 18:30 h, con entrada libre.

Este manual supón o primeiro método de pito galego, que contribúe a mostrar as posibilidades musicais deste instrumento e facilita a súa aprendizaxe, empregando unha metodoloxía progresiva e baseada no noso repertorio tradicional.
O método de pito galego nace para prevalecer no tempo e servir de guía ás xeracións futuras, garantindo a supervivencia do pito e contribuíndo ao asentamento do seu ensino, fixando a traxectoria histórica evolutiva, e da técnica do instrumento.
Na presentación mostraranse diversos instrumentos de vento que responden a diferentes modelos de pito ao longo do tempo, e faranse demostracións das súas posibilidades interpretativas. Intervirán o autor, Moisés Quintas, Viqui Pérez (que acompañará con percusións as súas execucións) e Xosé Aldea, director da editorial Ouvirmos, encargada da súa edición.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *