Hoxe é Luns 26 de Outubro de 2020

SAR Rodavigo, a forza da ilusión

RR_Noticias

Estreáronse este ano na División de Honra Prata, un soño para un club que aspiraba a vivir esta temporada “como unha aventura”. Pero os resultados do equipo que adestra Elisardo González “Chini” superaron todas as expectativas. A tres xornadas do final de liga xa teñen asegurada a permanencia, e aspirar a rematar na sétima praza do grupo.

O club redondelán está a vivir “con moita ilusión” este logro, xa que se trata dun equipo modesto, que tivo que organizar o seu salto á categoría con pouca marxe de tempo. A falta de medios súplena “con moito traballo e ilusión”, como sinala o seu técnico. E agora que a salvación está xa asegurada, aspiran a algo máis, malia que nas últimas xornadas tiveron algún tropezo inesperado. Agora, despois dun longo descanso en Semana Santa, regresan con forza á competición co obxectivo de sumar catro dos seis puntos que quedan en xogo para poder escalar unha posición e rematar na sétima posición. Os tres rivais neste final de liga serán Mavi Nuevas Tecnologías en Asturias, o Seis do Nadal en Redondela, e rematarán a liga co derbi en Chapela ante o Rodosa. A primeira das citas será na pista do líder, intratables esta temporada. “Chini” asegura que viaxan a Xixón para “competir” e recuperar o ritmo logo do descanso ligueiro, malia que recoñece que as asturianas “son de outra liga”. Máis accesibles serán os puntos ante o Seis do Nadal en Redondela, un encontro no que o técnico agarda contar co apoio da súa afección, fundamental para pode impoñerse ás viguesas. E o final de liga disputarase en Chapela, co derbi local ante o Rodosa. No club redondelán confían en que as de Chapela teñan xa salvada a categoría antes desta cita, para poder gozar “dunha festa do balonmán local”. Chini advirte que se as chapeleiras chegan á cita coa permanencia en xogo o partido será “máis tenso”.  

Elisardo González "Chini" adestrador
O técnico asegura que o único segredo do seu éxito é o traballo e a ilusión das xogadoras.
Obxectivos
O adestrador aspira a sumar catro puntos máis no final de liga e subir unha posición na táboa.
Mavi – SAR Rodavigo
O partido do sábado en Asturias será moi duro xa que as anfitrionas son as líderes indiscutibles do grupo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *