Hoxe é Domingo 29 de Novembro de 2020

Abre o prazo de inscrición no programa de conciliación Semana Santa con Simona

RR_Noticias

As actividades desenvolveranse nas parroquias de Cesantes, Chapela, Reboreda, Saxamonde e Redondela os días 21, 22, 23 e 28 de marzo entre as 9:30 e as 13:30 horas e están orientadas a rapaces que teñan entre 4 e 14 anos de idade.  As persoas interesadas deberán presentar a súa solicitude no Rexistro Xeral do Concello dende o martes día 1 de marzo ao luns 14. En total ofértanse 100 prazas.

As actividades que organiza a Concellería da Muller desenvolveranse durante o período non lectivo de Semana Santa no centro cultural de Cesantes, na sociedade labrego cultural de Reboreda, no centro cultural Chan das Pipas de Saxamonde e nos Multiúsos de Chapela e Redondela. Concretamente os días previstos son o luns, martes e mércores 21, 22 e 23 e o luns 28 de marzo.
Para a convocatoria de Semana Santa con Simona convócanse 100 prazas, dez das cales estarán reservadas a persoas derivadas dos Servizos sociais. Tamén se inclúen un mínimo de 5 prazas para nenos e nenas con necesidades de atención especializada.
Poderán participar rapaces que teñan cumpridos 4 anos no momento da convocatoria e ate os 14 anos de idade e cuxo pai ou nai leven como mínimo un ano empadroados en Redondela.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *