Hoxe é Sábado 5 de Decembro de 2020

Ritmos lusófonos no Multiúsos da Xunqueira co trío brasileiro Coladera

RR_Noticias

O grupo brasileiro Coladera chega a Redondela da man da Rede de Músicas Soltas, un programa organizado pola central Folque e a Concellería de Cultura. O proxecto Coladera celebra o encontro musical de João Pires, Vitor Santana e Marcos Suzano e de tres mundos musicais que homenaxean os ritmos lusófonos. O sábado 20 ás 21:00h no Multiúsos da Xunqueira. Prezo 5€ entrada normal, 3€ entrada reducida para xubilados, estudantes e desempregados.

Ritmos africanos de Cabo Verde e a saudade propia do fado lisboeta fusiónanse no repertorio de Coladera, un trío integrado por dous cantantes únicos Vitor Santana e João Pires sostidos por un dos mellores percusionistas de Brasil, Marcos Suzano. João Pires trae a canción portuguesa, a guitarra ibérica e a vertente africana traída dos anos en que viviu en Cabo Verde. Vitor Santana engade súa voz á guitarra popular brasileira e o mestre da percusión Marcos Suzano completa o trío. Os mundos do Brasil e de Portugal fúndense nun diálogo baseado soamente en guitarras, percusións e voces, traendo un ambiente sonoro rico en mesturas e mestizaxes. Óuvense ecos de África, do candomblé, do fado e do flamenco, do samba, da rumba e do mambo, un portugués con acentos distintos, a electrónica nacida do acústico de Suzano. Para este concerto, o percusionista será o caboverdiano Minoca París para arroupar aos cantantes João Pires e Vitor Santana.  

Olga Nogueira aCentral Folque
Fálanos de Coladera
Coladera
Rutina

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *