Hoxe é Sábado 31 de Outubro de 2020

O Construcións Castro BM. Chapela busca afianzar o liderado ante o BM. Lalín

RR_Noticias

O equipo de Fran Teixeira, que encabeza a Primeira Nacional, busca consolidar ese liderado esta fin de semana no pavillón municipal de Chapela ante o Lalín, outro dos equipos que aspira as prazas da fase de ascenso. O técnico confía nun resultado positivo ante a súa afección.

Os lalinenses, que agora ocupan a cuarta praza, son un equipo forte, polo que os de Chapela deberán estar ao cen por cen para seguir sumando. O Castro Chapela, logo de 19 xornadas, suma 17 vitorias, un empate e unha derrota. Un balance moi positivo que lles permite liderar o grupo e ocupar unha das dúas prazas que dan billete para a fase de ascenso á División de Honra B, á que aspira o club. Teixeira amósase moi satisfeito co traballo e o rendemento do equipo, que malia ter sufrido importantes baixas por lesións, soubo recompoñerse coa axuda de xogadores máis novos da canteira. O técnico valora moito o compromiso dos deportistas, xa que se trata dunha longa temporada con 30 xornadas, e resulta preciso poder contar con todos para acadar o obxectivo. Para o partido do sábado confía en contar tamén co apoio fundamental dos seus seareiros, que supoñen un gran revulsivo para o club. A cita ás 18.30 horas no pavillón municipal de Chapela.  

Fran Teixeira adestrador
O club aspira un ano máis a participar na fase de ascenso a División de Honra B.
BM. Chapela-BM. Lalín
Teixeira agarda a un rival duro en Chapela.
Remuda na canteira
O técnico valora o bo traballo de xogadores novos da canteira que suplen as baixas que se dan no primeiro equipo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *