Hoxe é Martes 27 de Xullo de 2021

As previsións de mal tempo obrigan a pospoñer o enterro do Berete en Chapela

RR_Noticias

O concello confía en que se poidan celebrar as actividades previstas para a tarde do domingo en Redondela. Un programa que inclúe obradoiros e animación infantil a partir das 16:30 horas no Multiusos da Xunqueira así como a queima do meco, unha figura que representa o maltrato animal e que dende hai unha semana espera ás portas do concello a ser devorado polas lapas. Tamén en Soutomaior decidiron aprazar o desfile de comparsas que estaba previsto para a tarde de mañá sábado. En Cesantes o Centro Cultural celebra este sábado a partir das 17:00 horas un festival infantil que dará paso a un baile de disfraces para adultos a partir das once da noite.

Os prognósticos non deixan lugar a dúbidas e insisten en que a xornada de mañá viviremos un día de mal tempo e precipitacións constantes, unha situación que levou ao concello a suspender o entroido do Berete previsto para a tarde do sábado en Chapela e pospoñelo ata o sábado día 20. Será polo tanto na vindeira fin de semana cando se celebren esas actividades que inclúen un desfile de comparsas dende o Alto da Encarnación ata a praia de Arealonga, lugar no que se procederá a queima do berete con actuación posterior do grupo Trópico de Grelos.
Con todo, a Concellería de eventos mantén as actividades xa pospostas do pasado martes e que en principio deberían celebrarse este domingo día 14. Será a partir das 16:30 horas cando comecen os obradoiros e as actividades de animación infantil coa Ludoteca Parruliños. Ás 19.30h arrancará o espectáculo Errantes dende a praza da Farola ao Concello, lugar no que está previsto a queima do meco ás 20:30.
Cesantes
O Círculo Cultural e Deportivo de Cesantes celebra mañá, entre as 17.00 e as 19.00 horas, unha festa infantil de Entroido. A partir das 23.30 horas comezará un baile de disfraces dirixido ao público adulto
Soutomaior
Tamén a Concellería de Festas decidiu suspender o desfile que debería percorrer o centro de Arcade na xornada de mañá. O desfile, que debería rematar na Alameda Talo Río cunha festa de entroido, queda posposto polo de agora sen data de celebración.
Fornelos
En Fornelos a festa está asegurada, xa que a festa infantil previstas para hoxe será baixo cuberto no pavillón municipal con agasallos e sorpresas para os asistentes. A partir das 22.00 horas, a festa continuará para o público adulto cun concurso e verbena amenizada polas orquestras Miramar e Prisma. Os gañadores en individuais levarán un premio de 90 euros, o segundo 70, e o terceiro 50. Na categoría de grupos, o gañador obterá 110 euros, o segundo 90 e o terceiro 70. A festa está organizada pola comisión de festas de Fornelos, coa colaboración do Concello.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *