Hoxe é Martes 1 de Decembro de 2020

O 90% das propostas veciñais incluiranse na Estratexia Redondela 2020

RR_Noticias

A creación de programas de emprego e fomento do tecido empresarial, a recuperación e promoción do patrimonio cultural e etnográfico, o turismo e facer unha cidade máis amable ás persoas, foron algunhas das 150 propostas máis votadas polos redondeláns dentro do proceso de participación cidadá promovido polo Concello de Redondela para definir a Estratexia de Desenvolvemento Urbano Sostible. As conclusións presentaranse esta tarde ás 20.00 horas no Multiusos da Xunqueira

Javier Germade, coordinador de Estratexia 2020 lamenta a escasa participación dos veciños e recoñece que as expectativas ao inicio do proceso eran maiores. En total foron 150 as persoas que votaron aínda que foron preto de 7.000 as que visitaron a páxina web a través da cal todo aquel que o desexase podía facer a súa proposta para crear a Redondela do futuro ou votar as xa existente. Propostas que chegan a título persoal pero tamén de grupos políticos, asociacións de veciños ou asociacións culturais. Entre as propostas máis votadas atópanse: “promover unha aceleradora de empresas que impulse unha economía baseada na cultura e a creatividade”, “crear unha rede de espazos de coworking en locais que estean desocupados” e a “posta en marcha de programas de emprego baseados en proxectos culturais”. Germade salienta que máis do 90% incluiranse no informe que se presentará para optar aos Fondos Feder e só quedarán aparcadas temporalmente aquelas que sexan menos factibles pola falta de terreos, permisos ou financiamento. A mediados do pasado mes de novembro publicouse a convocatoria das axudas para a selección de Estratexias de Desenvolvemento Sustentable e Integrado cofinanciadas mediante o programa operativo FEDER de crecemento sustentable 2014-2020, que conta cunha partida destinada a Galicia de 83 millóns de euros. Redondela, como concello de menos de 50.000 habitantes, podería optar a preto de seis millóns de euros. O trece de xaneiro remate o prazo para a presentación dos proxectos, cuxa resolución coñeceremos a mediados do mes de xuño.

Javier Germade Redondela2020
As propostas máis votadas
Escasa participación
Lamenta que non fosen máis os veciños participantes xa que iso suporía un maior aval para a proposta final
O 90% das propostas incluiranse
Asegura que o 90% das 150 propostas feitas polos veciños serán integradas no proxecto final

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *