Hoxe é Martes 28 de Setembro de 2021
History
Stations
NOTHING FOUND!

Música, xogos e elaboración de augardente en vivo no Magosto furtivo do Viso

RR_Noticias

O grupo Tanto Nos Ten, a Sociedade Cultural do Viso, o Colectivo Lúa Meiga, a Asociación Maimiña e a Asociación Cultural de Tuimil organizan este sábado 5 de decembro a partir das 13:00h no torreiro da Gándara (xunto ao campo de fútbol da parroquia) a sexta edición do Magosto furtivo. Un acto festivo aberto a todo o público, cun enfoque fundamental aos máis cativos e a mocidade, no que ademais contarase con carpa para evitar as inclemencias meteorolóxicas típicas da época.

O programa arrancará ás 13:00 horas cunha “sesión vermú” a cargo dos Polisóns da Teixeira, alumnos da escola de música da Sociedade Cultural do Viso. Despois do xantar contarase co grupo de música tradicional Tanto nos ten e a Asociación Maimiña será encargada de organizar xogos tradicionais, actividades e obradoiros para os cativos. Un programa infantil que rematará coa actuación do pallaso Rudi Rudi.
A xornada continuará con diversas actuacións como as dos Gaiteiros do Carballo das Cen Polas, as Pandereteiras Froles Mareliñas, Airiños da Febra, e pechará a xornada a actuación de Carapaus.
Ademais contarase durante toda a xornada coas tradicionais castañas asadas desta época e unha mostra en vivo de elaboración de augardente.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *