Hoxe é Sábado 23 de Xaneiro de 2021

Setembro deixa un regueiro de novos parados en Redondela e comarca

RR_Noticias

Os datos do paro rexistrado no mes de setembro regresan ao camiño da destrución. Logo de varios meses de datos positivos, o final do verán supuxo tamén para moitos veciños o fin dos seus contratos laborais. Non hai ningún concello da comarca que se salve desta tendencia e do mesmo xeito que en Redondela, tamén Soutomaior, Pazos de Borbén e Fornelos de Montes sofren un incremento nos seus rexistros.

Un 2015 que se estaba a comportar dun xeito positivo na evolución do paro pero que se torceu neste pasado mes de setembro. Logo de varios meses con descensos continuados no número de parados, o final do verán rompe coa boa racha para o mercado laboral galego. No conxunto da comarca foron 78 as persoas que se inscribiron como novos demandantes de emprego. A maior variación atopámola en Redondela con 32 parados máis respecto do mes anterior sendo agora 2.338 persoas as que se atopan desempregadas e inscritas nas oficinas do paro.
En Soutomaior actualmente hai 715 persoas no paro, 8 máis que no mes anterior mentres que en Pazos de Borbén o número de desempregados aumentou en 25 persoas ata os 385. No concello de Fornelos variación tamén á alza con 13 inscritos máis e 181 persoas desempregadas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *