Hoxe é Martes 28 de Setembro de 2021
History
Stations
NOTHING FOUND!

Moción do BNG para garantir a enerxía como servizo público e erradicar a pobreza enerxética

RR_Noticias

Na moción presentada ao pleno que se celebra hoxe ás 20:00 horas no Multiusos da Xunqueira, o BNG recolle unha proposta do sindicato CIG a prol de que Galiza, como un dos principais produtores de enerxía eléctrica de Europa poida beneficiarse dunha tarifa eléctrica mías baixa. Solicita tamén o apoio do resto dos grupos a favor da Iniciativa Lexislativa Popular (ILP) que demanda dos poderes públicos que asuman os custes enerxéticos daquelas familias que non poden afrontar as súas facturas.

Explica o nacionalista Xoan Carlos González que Galicia é un pais especializado na produción enerxética, tanto eléctrica como a través do carbón, da forza do vento e mesmo da biomasa. Un sector enerxético cun valor estratéxico polo que representa no seu produto interior bruto e por ser un factor relevante para a produción industrial. Con todo, e malia ter asumido por este motivo grandes custes sociais e medioambientais non ten recibidos beneficios “como contar cunha tarifa máis baixa para Galiza que garanta o noso desenvolvemento industrial”.
Saliéntase na moción a necesidade de loitar contra a pobreza enerxética de xeito que os poderes públicos asuman os custes que moitas familias non poden afrontar ao ter que destinar o 10% dos seus ingresos para satisfacer as súas necesidades enerxéticas.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *