Hoxe é Luns 30 de Novembro de 2020

Visita ao Parque Arqueolóxico de Tourón

RR_Noticias

O Obradoiro de Estudos Locais “Fernando Monroy” e o Instituto de Estudos Miñoranos organizan esta noite unha visita guiada ós petroglifos do Parque Arqueolóxico de Tourón, en Pontecaldelas. Unha cita aberta ao público en xeral para coñecer unhas mostras de arte rupestre catalogadas entre as mellores de Europa.

A saída para a visita farase desde a coñecida como a “Curva do murallón”, en Cesantes, ás 20.00 horas. O traslado ata Pontecaldelas realizarase en coches particulares, para reunirse ás 21.00 horas na caseta de información do Parque Arqueolóxico. Unha vez alí, Xosé Lois Vilar Pedreira, experto na materia, falará sobre as escenas de caza na arte rupestre galega-portuguesa, antes de percorrer as principais superficies gravadas de Tourón, que se contan entre as mellores escenas de caza de Europa. A visita será nocturna, axudados pola luz rasante de focos, polo que os asistentes deberán levar unha lanterna, ademais de roupa cómoda e calzado axeitado para desprazarse polo monte. Manuel Nieto, presidente do Obradoiro de Estudos Locais “Fernando Monroy”, sinala que é a primeira vez que organizan unha actividade destas características. Fano en colaboración co Instituto de Estudos Miñoranos, e confían en que sexa un “éxito”, dado o interese da visita.    

Manuel Nieto Cabaleiro Presidente
Unha actividade nova para o Obradoiro de Estudos Locais Fernando Monroy.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *