Hoxe é Martes 20 de Outubro de 2020

Circo, teatro e maxia no Festival de Artistas de Rúa que amplía os seus espazos de exhibición

RR_Noticias

Artistas de Cuba, Arxentina, Italia, Bélxica, Madrid ou Galicia ofrecerán máis de 30 funcións o venres 31 e o sábado 1 dentro da programación dun festival que celebra a súa XVI edición ampliando os seus escenarios. As actividades que se centraban na Alameda complétanse agora co espectáculo “Menú do Día” a cargo de Carlso Blanco e Luis Davila na praza da Casa da Torre e as función de maxia de proximidade na rúa Reveriano Soutullo.

Circo, maxia, performance e música integran un programa da man de 19 artistas con máis de 30 funcións para este venres e sábados. As novidades deste ano pasan por recuperar novos espazos da vila de Redondela, para dar cabida ao aumento de espectadores e á necesidade de medrar, como a Casa da Torre, a rúa Reveriano Soutullo que se converte nunha “rúa máxica” e que se veñen sumar ao xa tradicional escenario da Alameda na que público, a medida que a percorre, irá atopándose con diversos espectáculos dunha maneira viva e espontánea. A programación do venres contará coas actuacións do arxentino Rocky Marmota co espectáculo Saltimbanqui e o “menú do día” que nos proponen o humorista Carlos Blanco e o debuxante Luís Davila. Unha xornada que rematará coa música da Fanfarria Takikardia. O sábado amplíase o espazo do Festival á rúa Reveriano Soutullo, que será utilizada coa temática de “Rúa Máxica” mentres que na Alameda destaca a actuación de Ganso & Cia, do Pais Vasco. O Festival tamén recolle esas propostas de compañías redondelás que veñen traballando dunha maneira profesional, como o grupo Caramuxo Vermello encargado de pechar a programación deste ano.  

Luis Crespo director do Festival
Fálanos das novidades desta edición
Rocky Marmota
É unha das actuacións salientables do venres
Para todos os públicos
Fálanos da programación do sábado

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *