Hoxe é Venres 30 de Outubro de 2020

AER demanda a Sántos Héctor por inxurias

RR_Noticias

O vindeiro 15 de xullo celebrarase no Xulgado de Pontevedra o acto de conciliación interposto pola Agrupación de Electores contra o secretario provincial do PSOE. Os membros de AER interpuxo unha demanda contra Santos Héctor á raíz das súas declaración nas que aseguraba contar con “fundadas sospeitas que membros desta lista recibiron favores laborais por parte do alcalde e vinculados tamén a Deputación Provincial” ademais de afirmar que “estes señores (en referencia a AER) usaron as negociacións co PSOE para aumentar a súa cotización no pacto co PP”.  

Por este motivo e ante a gravidade destas afirmación, a Agrupación de Electores de Redondela con data 18 de xuño interpuxo a demanda para a celebración de acto de conciliación, previa á interposición de querela criminal por un presunto delito de calumnias e/ou inxurias, fronte ao Secretario provincial do PSOE, Héctor Santos para que proceda ante o xuíz a recoñecer a falsidade de ditas declaracións. O acto de conciliación realizarase o vindeiro 15 de xullo nos xulgados de Pontevedra, ao que xa está citado o Secretario Provincial do PSOE. Desde AER lamentan “a pasividade da Agrupación local do PSOE e dos seus responsables no referente a este desafortunado incidente, co que amosan o seu servilismo fronte á cúpula do seu partido, asumindo como propios os erros e despropósitos dos seus dirixentes provinciais”. Engaden que esta situación “está dificultando e seguirá dificultando as relacións entre ambas formacións políticas no traballo do día a día da política de Redondela”.  

Polémicas declaracións
Escoitamos ao secretario provincial do PSOE Héctor Santos

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *